(23 августа 2016)Пĕрремĕшпе иккĕмĕш ыйтупа конгресăн ĕç тăвакан комитечĕн председателĕ Валерий Клементьев калаçрĕ. Вăл Мăн Канаш çÿллĕ шайра тата усăллă иртнине асăнчĕ, çивĕч ыйтусене năxca тухни пирки каларĕ. Уставра çырса хăварнă пек — чăвашлăха аталантарас енĕпе тепĕр утăм тунă.
Кун пилĕк йĕркине ыйту кĕртнĕ:
1. Кăçалхи çĕртме уйăхĕнче иртнĕ Мăн Канаша пĕтĕмлетни;
2. Крым çурутравĕ çинче ирттернĕ Акатуй пĕтĕмлетĕвĕ;
3. Чăваш Республикинче пурăнакан халăхсен съездне хатĕрленсе ирттересси;
4.Чăвашлăха аталантаракан «Чи лайăх шкул» конкурс çинчен;
5. ЧНК пайташĕсене патшалăх наградисене илме тăратас ыйтăва năxca тухасси.
Ларăва яланхиллех президенчĕ ЧНК Николай Угаслов ертсе пычĕ.
Пĕрремĕшпе иккĕмĕш ыйтупа конгресăн ĕç тăвакан комитечĕн председателĕ Валерий Клементьев калаçрĕ. Вăл Мăн Канаш çÿллĕ шайра тата усăллă иртнине асăнчĕ, çивĕч ыйтусене năxca тухни пирки каларĕ. Уставра çырса хăварнă пек — чăвашлăха аталантарас енĕпе тепĕр утăм тунă.
Николай Угаслов президент хăй енчен Мăн Канаш йышăнса хăварнине пурнăçа кĕртме малалла конгресс комитечĕсене тăрăшма хушрĕ.
Крымри Акатуй пирки каланă май, Валерий Леонидович кун пек мероприятисем чăвашсене пĕрлештермелли, xamăp культурăна аталантармалли лайăх мел пулнине асăнчĕ.
Президенчĕ ЧНК Николай Угаслов ытти регионсенче иртекен çакнашкал уявсене питĕ малашне шутласа, тĕплĕн тумаллине каларĕ, кун пек мероприятисенче чăвашсене кăна мар, ытти халăхсене хутăштарса хамăрăн культурăна çуллĕ шайра кăтартмалла. Уйрăмах вырăнти чăваш культура наци автономийĕсен, Чăваш Республикин тата вырăнти Культура министерствисен тăрăшмалла. Ку хамăрăн уяв йăла-йĕркене тĕрлĕ енлĕн yçca паракан наци праçникĕ пулса тăмалла.
Чăваш Енре пĕрремĕш хут республикăра пурăнакан халăхсен съезчĕ иртет. Съездра Чăваш Енри халăхсен этнокультурине аталантармалли, вĕсене республикăн экономика тата социаллă пурнăçне хутшăнассине вăйлатмалли çул-йĕре палăртĕç. Чăваш Республикинче пурăнакан халăхсен форумне делегатсем суйлассине президиум виççĕмĕш ыйтупа năxca тухрĕ. Муниципалитетсемпе ĕçлекен комитет ертÿçи Станислав Николаев делегатсене республикăри районсенчен нумайрах суйламаллине аса илтерчĕ. Унăн шухăшĕпе килĕшсе конгресс президенчĕн çymĕ Петр Ивантаев ентешлĕхсен ертÿçисене тата районсенчи ЧНК уйрăмĕсен ертÿçисене çak ыйтупа ĕçлеме хушмаллине каларĕ.
Президиум ларăвĕнче Чăваш наци конгресĕнчен халăхсен Съездне çak делегатсене суйларĕç:
1.Н.Ф. Угаслов
2.В.Л. Клементьев
3.П.В. Ивантаев
4. Н.Е. Лукиянов
5. А.А. Трофимов
6. А.П. Леонтьев
7. Г. Л. Никифоров.
Тăваттăмĕш ыйтăва ЧНК Вĕренупе ăслăлăх комитечен председателĕ Геронтий Никифоров уçăмлатрĕ. Вăл президиум пайташĕсене чăвашлăха аталантаракан «Чи лайăх шкул» конкурс епле пыни пирки каласа пачĕ. Чÿк уйăхĕн 10-мĕшĕнче, Çеспĕл Мишши çуралнă кун конкурс пĕтĕмлетĕвне сумлă шайра, конгресс хастарĕсем пурте пĕрле тăрăшса ирттерме сĕнчĕ.
Президенчĕ ЧНК Николай Угаслов ку питĕ кирлĕ конкурс пулнине аса илтерчĕ, пурне те яваплăха туйса пулăшма хушрĕ.
Муниципалитетсемпе ĕçлекен комитет ертÿçи Станислав Николаев конкурса пĕтĕмлетнĕ мероприятипе пĕрле республикăри шкулсенче чăваш чĕлхипе литературине вĕрентекенсен «çавра сĕтелне» ирттерме сĕнчĕ. Ун шухăшне президиум пайташĕсем ырларĕç.
ЧНК президиумĕн пайташĕсем конгресс президенчĕн иртнĕ Мăн Канашĕнче суйланă çумне Нина Пантелеймоновна Петрована cămax пачĕç.
Çитес вăхăтра паллă та сумлă президиум пайташĕн Петр Васильевич Ивантаевăн çавра çулĕ пулмалла. Нина Пантелеймоновна чăваш халахĕ умĕнче тунă хастар ĕçсемшĕн, ЧНК ĕç-хĕлĕнче нумай çул тăрăшнăшăн Петр Васильевича патшалăхăн сумлă наградине илме тăратма сĕнчĕ.
Ваттисен Канашĕн председателĕ Василий Шадриков та çak сĕнĕве ырларĕ. Чăваш Республикин агропромышленнăç тытăмĕн ветеранĕсен Союзĕ те Петр Ивантаев ĕçне хакласа çапла йышăну тунине пĕлтерчĕ.
Президиум пайташĕсем çавăн пекех ЧНК -ан тата темиçе хастарне патшалăх наградине пама сĕнме алă тăратса сасăларĕç.
Пушкăр Республикинчи Стерлитамак хулинчи чăваш наципе культура автономийĕн председателĕ Федор Васильевич Кузьмин президиум ларăвĕн хăни пулнă май, хăйсен организацийĕ йĕркеленнĕренпе (2013-мĕш çул) тунă ĕçĕcemne паллаштарчĕ. Пушкăрт чăвашĕ Шупашкар хулин уявĕнче чăвашлăх cĕmĕ сахаллипе пăшăрханнине пĕлтерчĕ. Федор Васильевич чăвашлăха аталантаракан «Чи лайăх шкул» конкурса регионсен шайĕнче ирттерме сĕнчĕ.
«Чăваш Республикинчи халăхсен съездне xamăp хастарсене нумайрах хутăштармалла, шкулсемпе ирттерекен анлăлатмалла конкурссене, ку енĕпе республикăри министерствăсемпе тачă ĕçлемелле»,- терĕ юлашкинчен президиум ларăвĕн ĕçне пĕтĕмлетсе Николай Федрович Угаслов президент.