(21 февраля 2018) Хӗрарăмсен кунӗпе Хусан пикисене чăваш халăх артисчӗ Вячеслав Христофоров саламлӗ.
Шел пулин те юлашки вăхăтра Шупашкар артисчӗсем Хусанта сайра пула пуçларӗç. Вӗсен юрри-ташшине кăмăллакан куракан вара çак тӗлпулусене чăтăмсăррăн кӗтет. Акă савăнăçлă хыпар пирӗн пата тинех çитрӗ. Чăваш халăх артисчӗ, Тутарстан тава тивӗçлӗ артисчӗ Ульяновск облаçӗн культура тава тивӗçлӗ ӗçченӗ Вячеслав Христофоров Хусана концертпа килет. Унпа пӗрле Марта Зайцева, Алексей Шадриков тата ытти юрăçсем пулӗç. Çак тӗлпулу хулари «Ак барс» çамрăксен центрӗнче иртет. Билетсем «Сувар» хаçат редакцийӗнче.
