(17 апреля 2017) Çитес вăхăтра ЮТВ телеканал эфирĕнче– Чăваш наци конгресĕн «Чăваш хĕрарăмĕ» комитечĕ йĕркелесе пыракан «Лар, аннеçĕм юнашар» ярăмри черетлĕ кăларăм пулĕ. Ăна ЧĂВАШ ЧĔЛХИ кунне халалланă май «Атте-анне чĕлхи ытамĕнче» ят панă. Чăн чăваш çемйисенче ачасем чăвашла пĕлменшĕн е калаçманшăн кам айăплă — ашшĕ е амăшĕ? Çак тема йĕри-тавра пырĕ калаçу.
Телепередачăна яланхиллех Лидия Филиппова журналист йĕркелесе ертсе пырать. Экспертсем пулса Чăваш Ен паллă арĕсем — Чăваш кинематографисчĕсен союзĕн ертÿçи Олег Цыпленковпа Николай Балтаев ÿнерçĕ хутшăнаççĕ.
Чăваш апат-çимĕçĕпе сăйлакан «Çăлкуç» кафе кăларăма çырма меллĕ пулчĕ.
ЧНК пресс-служби.