(15 марта 2017) Чăваш Ен культура, национальноҫсен тата архив ӗҫӗн министерстви пуш уйӑхӗн 25-мӗшӗнче ЧНК «Кӗмел сасӑ» тата «Чăваш тумĕ — халăх пуянлăхĕ» регионсем хушшинчи конкурссем йĕркеленипе усă курса «çавра сĕтел» ирттерет. Çĕршывăн тĕрлĕ кĕтесĕнче пурăнакан йăхташсен ертÿçисемпе малалли ӗҫсене сӳтсе явасшӑн.
Тӗлпулӑва РФ Патшалӑх Думин депутачӗ Леонид Черкесов, Чӑваш Республикин культура, национальноҫсен тата архив ӗҫӗн министрӗ Константин Яковлев, Чӑваш наци конгресӗн президенчӗ Николай Угаслов тата ыттисем хутшӑнӗҫ.
Ҫавра сӗтел Чӑваш патшалӑх филармонийӗн пӗчӗк залӗнче иртӗ, 15 сехетре пуҫланӗ.
ЧНК пресс-служби.