(6 мая 2019) Якурккел ялне Нурлат районӗчи футболăн тӗп вырăнӗ тесе ахальтен каламаççӗ.
Мухтав орденӗн тулли кавалерне Павел Егорович Михеева асăнса Нурлат районӗнчи Якурккел ялӗнче çулсерен футбол турнирӗ иртет. Кăçал та вăл Аслă Çӗнтерӳ уявӗ умӗн иртрӗ. Ăна ирттерме ТР ЧНКА Ӗçтăвкомӗн ертӳçи Владимир Викторович Иванов пулăшать.
Турнира Самар облаçӗнчи чăваш ялӗсенчи командăсем те хутшăнаççӗ. Ытларах чухне финала ветерансемпе çамрăксен командисем тухаççӗ. Вăрçăра çӗнтернӗ ентешӗсене манманничӗн нурлатсене чыс та хисеп.
Константин Малышев.