(29 декабря 2015) Раштавăн 28-мĕшĕ çулталăкри чи паллă кунсенчен пĕри пулса юлĕ.
Çак кун Елчĕк районĕнчи Аслă Елчĕкре çуралса ÿснĕ, тĕнчене чи кирлĕ наукăна -этнопедагогикăна уçнă ăсчаха, Геннадий Волкова асăнса ниме майĕпе тунă палăка тинех уçрĕç.Ку пархатарлă ĕçе Чăваш наци конгресĕн хастарĕсем, ытларах Николай Угаслов Президент икçĕр аллă пин укçа хывнă.
Геннадий Никандрович Волковăн палăкĕ Шупашкарти чи илемлĕ вырăнта, Ленин ячĕллĕ тăкăрлăкра ĕмĕрлĕх вырăн тупрĕ.
Ку паллă саманта пĕрле пайлама Чăваш Республикин Пуçлăхĕ Михаил Игнатьев, ЧНК Президенчĕ Николай Угаслов, Шупашкар хулин пуçлăхĕ Леонид Черкесов,Геннадий Волковăн тăван шăллĕ Анатолий Волков, Чăваш Республикин Вĕрентÿпе çамрăксен политикин министрĕ Владимир Иванов, хула халăхĕ, шкул ачисем пуçтарăнчĕç. Палăк авторĕ — ЧР тава тивĕçлĕ художникĕ Владислав Немцев.
ЧНК пресс-служби.