(5 февраля 2019) Шупашкарти чăваш кӗввин фестивалӗ экспериментран пуçланчӗ. Хусанти çамрăк юрăç Вера Кожеманова театрăн симфони оркестрӗпе пӗрле «Çумăр çăвать» халăх юррине джаз стилӗпе юрларӗ…
Февралӗн 3-мӗшӗнче Шупашкарти оперăпа балет театрӗнче Чăваш кӗввин фестивалӗ уçăлчӗ. Чăваш Енӗн тӗп сцени çине пирӗн ентеш, Хусанти çамрăк юрăç Вера Кожеманова та тухрӗ. Вăл театрăн симфони оркестрӗпе (дирижерӗ С.КИСС) «Çумăр çăвать» халăх юррине юрларӗ. Калас пулать, асăннă оперăпа балет театрӗн симфони оркестрӗ пуçласа халăх юррине джаз стилӗпе каларӗ (оркестровка Ю.Б. Романькон). Кун пекки кунта хальччен пулман-ха. (С.КИССăн фейсбугри страницинчи сăнӳкерчĕк).
Ирина Кузьмина.