(27 января 2017) Ҫӗнӗ, 2017 ҫула пуҫласа, Чӑваш наци конгресӗн культура комитетчӗ çĕнĕ проектсемпе ӗҫлеме пуҫларӗ. Пӗрремӗш ӗҫӗсенчен пӗри — регионсем хушшинчи «Чăваш тумĕ – халăх пуянлăхĕ» конкурса иртересси.
Кăрлачăн 16-мĕшĕнче комитет черетлĕ лару ирттерчĕ
ЧНК пайташӗсемпе ҫак конкурса еплерех иртересси пирки калаҫрӗҫ, тӗллевсем палӑртрӗҫ, конкурсăн йĕркелÿ комитетне суйласа хăварчӗҫ. Ку ӗҫ-пуҫа йӗркелесе яракансенчен пӗри, ҫи-пуҫ, тӗрӗ ӑсти, Чӑваш Республикин культурӑн тава тивӗҫлӗ ӗҫченӗ Зинаида Ивановна Воронова. Конкурс 2017 ҫулхи кӑрлач уйӑхӗн 12-мӗшӗнче пуҫланчӗ, вӑл пуш уйӑхӗн 24-мӗшӗнче вӗҫленет. Ăмăртун тӗп тӗллевӗ — чӑваш ҫи-пуҫне ытларах тупса палӑртас, халӑхӑн иксӗлми йӑли-йӗркине ҫухатмасӑр малалла аталантарс. Кокурсӑн 1-мӗш тапхӑрӗ — республикăри районсен уйрăмĕсемпе, регионсенчи чăваш наци автономийĕсемпе ĕлĕкхи чăваш тумĕсем упраса хăварнă çынсене тупса палăртасси.
Ӑмӑрту еплерех итрсе пынине пӗлес тесен эсир Чӑваш Ен Наци радиовӗн «Чун-чĕре киленĕçĕ» кӑрарӑмӗсенче итлесе пӗлме пултаратӑр: http://www.ntrk21.ru/Program.aspx?id=223&type=audio«Чун-чĕре киленĕçĕ» кӑларӑм 19.01.2017 ҫул.
Вера Архипова, ЧНК культура комитечĕн председателĕ