(27 апреля 2018) Тутарстан юрăçисен «Чăваш шăпчăкӗ» XII республика конкурсӗ ыран, апрелӗн 28-мӗшӗнче, пулать. Мероприятие И.Я. Яковлев çуралнăранпа 170 çул çитнине халалланă. Йӗркелӳçӗсем пӗлтернӗ тăрăх, конкурса республикăн тӗрлӗ кӗтесӗнчен пурӗ 60 ытла заявка килнӗ. Вӗсем – уйрăм юрăçсем, пултарулăх ушкăнӗсемпе ансамбльсем.
Конкурс Аксу райцентрӗн Культура çуртӗнче (Романов урамӗ, 8-мӗш çурт) иртет. 8.00 – 09.20 сехетре регистраци. 09.30 сехетре суйлав тапхăрӗ пуçланать. Гала-концерт каçхине 16.00 сехетре пулать.
Мероприятире çаплах Шупашкарти «Паха тӗрӗ» фирма ӗçӗсен (чăваш тумӗсен, чăваш тӗрриллӗ сӗтел çиттисемпе салфеткăсен тата ытти сувенирсен) куравӗпе паллашма май пулӗ. (К.Малышев сăнӳкерчӗкӗ).
Сувар