(26 марта 2015) Кăçал Константин Иванов çуралнăранпа 125 çул çитет. Çавна май вăл çуралса ÿснĕ тăрăхра — Пушкăртстанри Пелепей районĕнчи Слакпуç ялĕнче — уява хатĕрленме пуçланă. Юбилей тĕлне Пелепей район администрацийĕнче канашлу иртнĕ. Унта Пушкăртстан тата Чăваш республикисен культура министрĕсем Алина Шафиковăпа Вадим Ефимов хутшăннă.
Пелепей район администраци пуçлăхĕн хушăвĕпе уявăн йĕркелÿ комитетне, тăкаксен сметине палăртнă. Слакпуçĕнчи К. Иванов музейне тата ялти сăваплă вырăнсене юсаса çĕнетме бюджетран 1,5 млн тенкĕ укçа уйăрнă. Уява майăн 29-мĕшĕнче ирттерме палăртнă.
Валентина МАКСИМОВА.