Çак эрнере «Раççей чăваш пики -2018» конкурс иртет

(27 ноября 2018) Кăçал ку йăлана кĕнĕ конкурс ЧНК «Халăхсен наци пуянлăхĕ – Раççей пуянлăхĕ» прекчĕпе килĕшÿллĕн чÿк уйăхĕн 29-30-мĕшĕсенче Шупашкарта иртет.

Грант проекчĕн йĕркелÿ комитетне ЧНК вице-президенчĕ Валерий Клементьев председатель пулса ертсе пырать. Ушкăнта режиссерсем, балетмейстерсем, ертсе пыракансем тата ытти пултарулăх çыннисем.

Чÿкĕн 8—мĕшĕнче иртнĕ ларура йĕркелÿ ĕçĕсем епле пулса пынине сÿтсе яврĕç.

Фестиваль-конкурс Чăваш патшалăх культурăпа ÿнер институтĕнче иртет. Питĕр, Тутарстан, Чĕмпĕр, Тюмень тата ытти регионсенчи чăваш наципе культура автономийĕсем хăйсен представителĕсене паллă ăмăртуна яма хатĕр.

Çак кунсенче Чăваш Енри районсенче, Питĕр хулинче, Тюмень тăрăхĕнче тата ытти çĕрте «Чăваш пики -2018» вырăнти конкурссем иртеççĕ. Вĕсен çĕнтерÿçисем паллах чÿкĕн 28-мĕшĕнче Шупашкара, финал конкурсне çитĕç.

Кăçал «Раççей чăваш пики – 2018» конкурс-фестивальте чылай çĕнĕлĕхсем пулмалла, çĕнĕ номинацисем те палăртнă.

Тутарстанран асăннă конкурса «Тутарстан чăваш пики -2018» çĕнтерÿçи Карина Туктамышева хутшăнать.

Ăнăçу сунатпăр сана, Карина!

Информационный центр ЧНКА в РТ

Добавить комментарий

bn-of-rt bn-uslugi bn-ufms bn-anrussia bn-prch